8-Metodo antikontzeptiboak

Gizonek pubertaroa heldu bezain laster eta bizitza osoan zehar ugalkorrak dira. Emakumeek, ordea, haien ziklo menstrualaren egun jakin batzuetan soilik dute ernalketa aukera, pubertarotik menopausiaraino. Hau da, hilabetean egun gutxi batzuetan bakarrik geratu daiteke haurdun emakumea.

Haurdun geratzea saihestu nahi duen bikote batek hainbat antikontzeptibo metodo erabil ditzake, naturalak edo artifizialak, obulua eta espermatozoidea batzea ekiditeko.

A. Metodo naturalak

Helburua da emakumea zein egunetan dagoen ugalkor jakitea, eta sexu-harremanak zikloaren aldi antzuetara mugatzea.

A.1 Erritmoaren metodoa (Ogino-Knauss)

Ziklo menstrualak aztertuz, emakumearen egun ugalkorrak aurresaten saiatzen den metodo bat da. Ogino mediku japoniarraren arabera, 28 eguneko ziklo batean 10. eta 17. egunen artean dago aldi ugalkorra. Knauss austriarrak bost egunera murriztu zuen tarte hori: 11. egunetik 15.era. Metodo hau ez da guztiz fidagarria.

A.2 Tenperatura basalaren metodoa

Gorputza atseden egoeran duen tenperatura da "tenperatura basala", eta obulazioaren ondoren 0,2-0,5ºC igotzen da. Emakumeak eguneroko neurketak eginez bere zikloan obulazioa noiz gertatzen den asma dezake, eta horren arabera planifikatu sexu-harremanak.

A.3 Billings metodoa

John eta Evelyn Billings doktoreen lanetik sortua, umetoki-lepoko mukiaren (eta listuaren) aldaketak aztertzen dira. Aldi ugalkorrean, mukia garden eta elastikoa bihurtzen da, eta espermatozoideek hobeto bizirauten dute.
Zikloaren beste egunetan mukia ez da hain lagungarria, eta horrek aldi antzua adierazten du. Lupa txiki baten laguntzaz, mukiaren egitura kristalizatuaren arabera zehaztu daiteke aldi ugalkorra.

B. Metodo artifizialak

Metodo hauek gorputzaren funtzionamendua aldatzen dute, elementu arrotzak, sendagaiak edo ebakuntza bidez.

B.1 Metodo kimikoak

B.1.2 Espermizidak
Baginan aplikatzen diren kremak, gelak edo supositorioak dira. Helburua: espermatozoideak hiltzea da.

B.2 Metodo mekanikoak